Muñecu nieve

Mio tía güela Quica ye, como yo, cordobesa de nacencia. La Córdoba arxentina tien un clima secu n’iviernu, conque les nevaes son poco frecuentes. Quica vio nevar por primer vez cuando tenía 10 años.

Esi día, la so hermana Teresa, dos años menor, fizo un muñecu de nieve a propuesta’l güelu Pedro. Cuando-y lu foi a enseñar toa arguyosa, él encamentó-y que lu metiera en fornu pa qu’endureciere, como facíen davezu col magre. Anguaño, Quica tovía españa de risa cuando s’alcuerda de cómo lloró Teresa en diendo a buscar el muñecu. Yá ye tener mala lleche.

Leave a Reply

Your email address will not be published. Required fields are marked *