Pallabrines

Hai pallabres que nun sé exautamente qué signifiquen, magar que llevo tola vida sintiéndoles o en dellos casos hasta usándoles. Sicasí, va unos años deprendí a nun tentar de camudar eso: si ún nun sabe daqué, tien d’haber una bona razón pa qu’eso sía asina. Esa vegada la pallabra en cuestión yera farándula, qu’hasta entós m’inspiraba unes imaxes y sensaciones determinaes… hasta que me dio por buscala nel diccionariu. Crasu error. Agora la pallabra nun me diz nada, nun queda nel mio maxín nada de lo qu’había enantes, y inspirame sólo m’inspira rencor.

Otra d’eses pallabres misterioses ye “guampuda”, que siempre s’usó en mio casa nuna construcción en concreto: cada vegada que nos negábemos a da-yos un besu a los hermanos, mios güeles dicíen “Pero será posible, no le dan un beso al hermanito y después irán por ahí besando a cualquier negra guampuda”.

“Negra guampuda” ye anguaño una de les fórmules máxiques, xunto con “y, bueno, pasó así” y “va ‘ecí cómo”, que se puen emplegar en mio casa pa ganase automáticamente la simpatía de toos.

Leave a Reply

Your email address will not be published. Required fields are marked *