Cambéu verde

Abondo sonada foi en cuasi toa Europa la noticia de que los verdes ganaron les eleiciones en Baden-Württemberg. Paez que tol asuntu de Fukushima pudo influyir nesti resultáu, y de fechu ye bastante probable, peor yá enantes taba claro que diben ganar, quiciabes non con tanta diferencia. El CDU llevaba yá cuasi 60 años nel gobiernu rexonal, ye dicir, dende la fundación del estáu federáu, y facíen lo que-yos petaba. Pero eso acabóse.

Énte unos resultaos como estos, entren ganes de pensar que pueda tratase d’una tendencia, una fola de cambéu n’Europa hacia una alternativa más ecolóxica. Y xustamente esti añu tenemos eleiciones n’Asturies.

Asturies, onde siempre ñaguo por dir, polos sos llugares, polos mios llugares, pero onde la xente se quexa si-y dicen que va tener que pagar poles bolses del supermercáu porque creen que ye una táutica pa sacar perres y nun ven que ye pa evitar que s’use tantísimu plásticu d’una forma tan innecesaria. Asturies, onde la xente nun merca llámpares de baxu consumu si non-y prohíben les vieyes por llei. Asturies, onde la xente garra’l coche na ciudá y, encima pa dir solu nél. Cómo va votar esa xente a un partíu que lo quier privar de tantos lluxos por mor d’un mediu ambiente que paecen nun ver. Quiciabes lo que necesitaba esa xente yera salir un migayu de la comodidá y el ruíu de les ciudaes, mirar los montes tan guapos que tien, los llagos y les sableres. Si nun-yos entra la gana de protexer eso, va ser que non se lo merecen.

 

Leave a Reply

Your email address will not be published. Required fields are marked *