La tierra diz que non

En momentos como estos, sentir falar a xente como’l Mappus o la Merkel nun sirve namái que pa enfurecese más tovía. Llénase-yos la boca diciendo que lo que pasó’n Xapón nun pue pasar equí, qu’equí les centrales nucleares son segures. Y llueu ún se pone a mirar, y resulta que les dos centrales ente les que vivo tan en territoriu de peligru sísmicu y son, amás, de les vieyes. Y nun paez que tean pa cerrales pronto. O seya qu’un día tremez equí la tierra, esploten un par de coses y tamos toos condenaos. Yá pue’l home construyir ciudaes, edificios, el so mundu, que la tierra diz que non y ye que non.
Que mos pille a toos confesaos.

Leave a Reply

Your email address will not be published. Required fields are marked *